Бо COVID-19 шӯхӣ накунед ва зомини марги дигарон нашавед

Чанд рӯз пеш аз ъиди саиди Рамазон дар саҳфаи фейсбукии COVID-19 Тоҷикистон бо нақл аз рафиқам, ки дар гурӯҳи махсуси ёрии таъҷилӣ кор мекунад, хабаре навишта будам, ки дар он сухан аз кам гаштани мавриди сироят ба COVID-19 ва кам гаштани кори ин гурӯҳи махсуси ёрии таъҷилӣ мерафт. Ин хабар аз тарафи корбарони фейсбук бо шодӣ истиқбол гашт ва аз шарҳи корбарон маълум буд, ки мардум пазмони зиндагии оддии худ гаштаанд.

Воқеан, он шабу руз ҳолатҳои нави сироят кам шуда буд ва духтурони мо як каме нафаси роҳат кашида буданд. Намедонам ба шарофати моҳи шарифи Рамазон буд ё чизи дигар, вале мардум дар кӯчаву хиёбон кам сайру гашт мекарданд ва аксарият хонанишиниро ихтиёр карда буданд. 

Табиист, ки дар чунин шароит имкони паҳншавии вирус кам мегардад ва ин дар навбати худ ба коҳиши теъдоди мубталоёни COVID-19 мерасонад. Мардум умед бастанд, ки Худо хоҳад як ҳафта ё 10 рӯз пас ин бало паси сар мегардад. Ва тавре, ки духтурон мегӯянд, агар кор ба ин шакл идома пайдо мекард(яъне агар хонанишинӣ ва чораҳои пешгирикунанда риоя мешуданд), суръати паҳншавии вирус поён афтида, баъд аз як муддате мо метавонистем боз ба ҳаёти оддӣ баргардем.

Вале дар арафаи ъиди Фитр чунин ҳолате ба вуҷуд омад, ки гуё мардуми моро иваз карда бошанд. Ҳама ба бозору мағозаҳо рехтанд ва дар бораи чораҳои пешгирии паҳншавии коронавирус фаромӯш карданд. Одамон на танҳо бе ниқоб-маска ба бозор баромаданд, балки фосилаи иҷтимоъиро низ риоят намекарданд. Ва ин дар ҳолест, ки аз ҳама расонаҳо пешакӣ огоҳ карда буданд, ки имсол ба хотири мубориза алайҳи паҳншавии коронавируси COVID-19 гузаронидани намози ъид ва ъидгардак ба манфиат нест ва бинобар ҳамин, ин маъракаҳо гурзаронида намешаванд. Вале барои баъзе аз қисмати ҷомеъа ин ҳама ҳарфҳо мисли ба гӯши хар азон хондан буд.

Дар яке аз фурӯшгоҳҳо чунин саҳнаеро дидам. Ҷавоне вориди фурӯшгоҳ шуда якбора байни растаҳо рафт. Муҳофизи фурӯшгоҳ ҷавонро садо карда гуфт, ки бе маска ва бе безарар гардондани даст бо маҳлули махсус вориди фурӯшгоҳ шудан мумкин нест ва аз ӯ хост, ки у баргардад. Ҷавон дар ҷавоб гуфт, ки ман коронавирус нестам чаро бояд маска бандам. Хулоса, ба ин ҷавон ҳамаро хуб фаҳмонданд ва билохира ӯ маска харида ба фурӯшгоҳ даромад.

Ин мисолро ман барои нишон додани дараҷаи бепарвоӣ ва беэътиноии баъзе аз намояндагони ҷомеъаи мо овардаам. Ин ҷавони беақл фикр намекунад, ки чораҳо аз қабили пушидани ниқоб - маска, шӯстани дастҳо, риояи фосила ба хотири он аст, ки одами сиҳат гирифтори COVID-19 нашавад ва дигаронро низ мубтало накунад. Охир коронвируси номбурда сардард нест, ки зуд фаҳмем, ки мо бемор ҳастем ё не. То мо мефаҳмем, ки мубталои COVID-19 шудаем – модар, падар, зану фарзанд, хешу дӯсту бегонаро ба ин бало гирифтор мекунем ва шояд зомини марги як нафар, сағера монднани чанд кӯдак ва бева гардидани чанд зан мешавем.

Чораи муҳими дигари пешгирии COVID-19 - риояи фосилаи иҷтимоъӣ мебошад, ки мутаассифона на ҳамеша ва на дар ҳама ҷо риоя мегардад. Бояд гуфт, ки дар аксари фурӯшгоҳҳо чораҳои пешгирии паҳншавии коронавируси COVID-19 хуб ба роҳ монда шудаанд. Шустани даст бо маҳлули махсус, сандҷидани ҳарорати бадан, бо шиша ҷудо кардани харидор аз фурӯшанда, кашидани хатҳои махсус барои риояи фосила аз қабили ин чораҳо ҳаст. Вале баъзан аз бемаърифатии мо ин ҳама харҷу заҳмат ба ҳадар меравад.

Тавре, ки гуфтам дар назди касса барои нигоҳ доштани фосила байни одамон хат кашидаанд, ки мақсад аз ин иқдом пешгирӣ аз паҳншавии COVID-19 мебошад. Харидорон ҳангоми ба назди касса омадан аз ҳамдигар дар фосилаи 1,5 - 2 метр қарор мегиранд. Вале мардуми мо вақте ин саҳнаро мебинад, намедонам чӣ хаёл мекунад, ки дар байн даромада фосиларо вайрон мекунад. Ва вақте, ки ба чунин ашхос ишора мекунӣ, ки инҷо бояд фосила риоят шавад, дар ҷавоб мегуяд, ки “ман мошинум дистансия саблюдат кунум”. Агар шароит чунин фоҷеаовар намебуд сари ин “шӯхӣ” хандидан мумкин буд, вале кор хеле ҷиддӣ аст.

Тибқи омори расмӣ то 7 июни 2020 дар Тоҷикистон 4529 ҳолати сироят ба COVID-19 ба қайд гирифта шудааст. Ин нишондод рӯзи 6 июл 4453 ҳолатро ташкил медод. 4529 – 4453= 76. Яъне дар як шабонарӯз 76 ҳолати нави сироят ба коронавирус ба қайд гирифта шуд. Одамоне, ки мегуянд, ман коронавирус нестам маска намепушам, ё онҳое, ки мегуяд, ки “ман мошинум дистансия саблюдат кунум”, акнун мефаҳмед, ки маҳз аз беэътиноӣ, бепарвоиву саҳлангории шумо барин одамон, мо ҳич наметавонем бар сари ин COVID-19 лаънатӣ пируз шавем ва дар натиҷа ҷигарбанду азизонамонро аз даст медиҳем. Фаҳмида гиред, ки дар байни мубталоёни навбатии COVID-19 шумо ё наздикони шумо буда метавонанд.

Дар охир як нуктаро таъкид карданиям, ки COVID-19 ба ин осонӣ аз сари мо даст намебардорад. Имрӯзҳо хабарҳо аз дубора сар задани ин коронавирус дар баъзе кишварҳо ба нашр мерасанд ва ин далел як бори дигар ба мо хотиррасон мекунад, ки бо ин вирус шухӣ кардан даркор нест. Ягона роҳи мубориза бо ин бало – иҷрои тавсияҳои духтурон барои пешгирӣ аз сирояти COVID-19 мебошад ва натиҷаи ин набард аз рафтори мову шумо вобастааст. Тавсияи духтуронро риоя кунед, худ ва дигаронро эҳтиёт кунед ва зомини маргу бадбахтии дигарон нашавед!

Дар ёди устод Ҷӯрабек Назрӣ

Устод акаи Ҷӯрабек Назрӣ.

Дар ин шабу рӯзи душвор бисёре аз фарзандони шоистаи миллат ин дунёро тарк карданд, ки устод Ҷӯрабек Назрӣ яке аз онҳост. Дар бораи марҳум ва нақши ӯ дар илму фарҳанги Тоҷикистон маълумот дар интернет зиёд ва дастрас аст, бино бар ин, ман мехостам роҷеъ ба чанд бардошти шахсӣ дар бораи устоди шодравон сӯҳбат кунам.

Шахсияти Ҷурабек Назрӣ бароям аз солҳои мактабхониям ошно буд, вале шиносоии наздик бо устод дар авохири солҳои навадум сурат гирифт. Аз сарнавишт тағойи ҳамсари ман, ягона писари устод Боқӣ Раҳимзода, домоди Ҷӯрабек Назрӣ шуданд. Аз ин сабаб дар доираҳои хонаводагӣ, маъракаву дигар чорабиниҳо фурсати сӯҳбат кардан бисёр фароҳам меомад, ки дар рафти онҳо бисёр хислатҳову сифатҳои одам ошкор мешавад. Масалан, ҷуръати устоди шодравон. Дар сӯҳбатҳо роҷеъ ба баъзе масъалаҳо чунон бо ҷуръат ҳарф мезаданд, ки баъзе аз ҳамсӯҳбатҳои ӯ безобита мешуданд. Ба ин маъно, ки мабодо ягон кас нашунида бошад.

Ҷӯрабек Назрӣ нисбати фарзандонаш бисёр ғамхориву меҳрубонӣ зоҳир мекард. Духтаронашро бисёр дӯст медошт ва бо онҳо хеле меҳрубон буд. Аз ҳолу ҳавои онҳо ҳамеша бохабар буд ва барои онҳо як такягоҳи мутмаину устувор буд. Чунин меҳру муҳаббати падар нисбати духтараш дар ҷомеаи мо бисёр ба нудрат ба назар мерасад.

Ҷӯрабек Назрӣ марди хоксору фурӯтан буданд ва аз шахсони муттакабир хушашон намеомад. Агар ситораи шахс ба ӯ маъқул мешуд, дар муносибат соддагиро тарҷиҳ медоданд ва бо тараф мисли дӯсти даҳ сол мешинохтагӣ сӯҳбат мекарданд. Масалан, метавонистанд ба шумо бачаҷон ё додарҷон гуфта, муроҷиат кунанд.

Устод Рӯдакӣ аст, устод Фирдавсӣ аст

Марҳум Соробону – ҳамсари Боқӣ Раҳимзода, руйи мизи дар соя гузоштагиро як нигоҳ андохтанду ба тарафи дарвоза нигариста, гуфтанд:

-  Ана Ҷӯрабекам омаданд, ҳардутон ҳамин сояба шинетон, ҳозир хӯроки гармам мекашанд. Ман ба тарафи дарвоза нигариста, Ҷӯрабек Назриро, ки бо чеҳраи бозу хандони ба ӯ хос вориди ҳавлӣ шуда буд, дидам. 

Баъд аз салому алейк ва аҳволпурсӣ сари миз нишастем. Тибқи одат ба Ҷӯрабек Назрӣ устод гуфта, муроҷиат мекардам. Ба пиёла чой рехта, бо суханони – “устод чой гиред”, онро ба Ҷӯрабек Назрӣ дароз кардам. Вай бо лабханд ба ман нигоҳ карда гуфт:

-  Гумуш кун, устод нагу. Ака бугу. 

Ман хостам бигӯям, ки ин ба хотири хизматҳоятон, ҳунару донишатон устод мегӯям, вале ӯ гапи манро бурида гуфт:

- Ҳозир ҳама устод шудаст додарҷон. Барои мо устод - Рӯдакӣ, Фирдавсӣ аст. Ҳофиз аст. Кӣ аз ӯ беҳтар шеър гуфтаст? Ман киям пеши онҳода? Барои ҳамин ака гуфтан гир.

Аз ҳамон замон, ҳар вақте ва ҳар куҷое, ки устодро медидам, акаи Ҷӯрабек гуфта, муроҷиат мекардам ва дар чеҳраашон табассуми нерӯбахши вайро медидам. 

Ёдатон накӯ, рӯҳатон шоду хонаи охирататон обод бошад, устод акаи Ҷӯрабек.

ИДИ ЗАФАР МУБОРАК !

           Омад хабар зи Маскав

           Аз фатҳи комили нав.

          Халқи далер, бишнав,

         Иди зафар муборак!

Тоҷикон мисли бақия мардуми шӯравӣ расидани ин хабарро қариб панҷ сол мунтазир буданд. Панҷ соли азобу машаққат, панҷ соли меҳнату ҷоннисорӣ, панҷ соли мардонагиву қаҳрамонӣ. Ва инак ин рӯз фаро расид. Артиши сурх, ки дар сафҳои он ҳазорон фарзандони Тоҷикистон меразмиданд, миёни аждари фашизмро шикаста, ливои зафарро дар боми лонаи ӯ зада ба тамоми ҷаҳон хабари фатҳи комил бар Олмони Ҳитлериро паҳн кард.

Дар Сталинобод ҳар ҷое, ки як баландгуи родю буд издиҳоми бузурге ҷамъ мешуд ва ба садои гӯянда бо диққат гуш медод. Гӯянда хабари фатҳи Берлин ва ғалаба бар фашизмро такрор ба такрор мехонд. Бо шунидани ин хабар одамон якдигарро ба оғуш мекашиданду хурсандӣ мекарданд. Мардум пиёдаву аспсавору харсавор ба сӯи деҳаву ноҳияҳои дурдаст мешитобиданд, то ки якум шуда пайки пирузиро бирасонанд.

Дар чунин фазои идона ду ҷавонмарди тоҷик калон – калон қадам гузошта ба куҷое мешитобиданд. Яке аз онҳо, ки баъд аз бардоштани ҷароҳат дар ҷабҳа ба зиндагии осоишта баргашта буд, дар дил як эҳсоси рашк ба онҳое, ки то Берлин расидаанду душманро дар лонааш нобуд сохтанд, дошт. Фикр мекард, ки агар захмӣ намешуд, вай низ дар ин набард иштирок мекард ва Берлинро фатҳ мекард. Ин лаҳза садои ҳамсафараш риштаи фикриҳои ӯро канд.  

-         - Акои Боқӣ моро барои чӣ даъват карда бошанд?

-        -  Имрӯз фақат барои хабарҳои хуш, Зиёдуллохон.

Ин ду ҷавон Боқӣ Раҳимзода ва Зиёдулло Шаҳидӣ буданд. Онҳоро ба Ҳукумати Тоҷикистон даъват карда буданд, вале бо чӣ мақсад, ин ду ҷавон ҳоло хабар надоштанд. Бо табъи болида ва сад фикру андеша онҳо ба бинои ҳукумати Тоҷикистон расиданд ва дохили он шуданд. Баъд аз як муддате ҳарду аз бинои ҳукумат хушҳол баромаданд. Ҳукумат ба онҳо вазифа дод, ки то фардо, яъне то субҳи 9 май бахшида ба ғалаба як шеър навишта онро ба оҳанг дароваранд.

9 май дар боғи марказии Сталинобод бахшида ба ғалаба бар фашизм як чорабинии муҳим дар нақша гирифта шуда буд ва дар он ҳатман бояд суруди зафар садо медод. Вазифае, ки дар назди Боқӣ Раҳизода ва Зиёдулло Шаҳидӣ гузошта буданд душвору иҷронашаванда буд. Чӣ тавр дар як муддати кӯтоҳ ҳам шеър нависанд, ҳам онро ба оҳанг дароранд ва ҳам нафареро пайдо кунанд, ки дар як муддати кутоҳ онро азёд кунаду хонад.

Ҳамсари марҳуми Боқӣ Раҳимзода дар ин бора  чунин нақл карда буд:

-         -  Он кас (Боқӣ Раҳимзода) бо Зиёдулло Шаҳидӣ бисёр дустони наздику самимӣ буданд. Ҳатто дар ҳамсоягӣ зиндагӣ мекарданд. Ҳамин супоришро гирифтанду ба хона омада аз пайи навиштани шеър шуданд. Навиштаву хат зада, боз аз сар навишта то нисфи шаб шеърашонро тамом мекунанд. Баъд ба хонаи Зиёдулло, ки ҳамсояшон буданд, бурда шеърашонро медиҳанд. Ун кас то бомдода оҳангаша менависанд. Баъд суруда Шоиста Муллоҷонова тез аз ёд карда мехонад. Ана ҳамин ҳел онҳо дар байни чанд соат шеър навиштанду оҳанг сохтанду суруда аз ёд када хонданд.

Дар солҳои ҷанги дуюми ҷаҳон, ки мо онро бо номи Ҷанги Бузурги Ватанӣ мешиносем, Тоҷикистон, ки 1,5 миллион аҳолӣ дошт 300 ҳазор фарзанди худро ба ҷабҳаҳои набард алайҳи Олмони Ҳитлерӣ равона карда, дар размҳои мухталиф зиёда аз 90 ҳазор шаҳид додааст. Ёди ҳамаи онҳо гиромиву поянда бод!

Долгий путь к цифровому телевизионному вещанию

Переход Таджикистана на цифровой формат вещания телевизионного сигнала стал одним из самых затяжных процессов реализации проекта после строительства Рогунской ГЭС. За десять лет Таджикистан так и не смог полностью завершить программу перехода на цифру.

Государственная программа развития цифрового телевидения Таджикистана, была рассчитана на 2010 – 2015 годы. Соответственно весь процесс перехода на цифровое вещание в республике, должен был завершиться в 2015 году. Однако, по причине нехватки средств, отсутствия необходимого оборудования, сложного ландшафта местности (93% территории республики составляют горы), этот процесс отложили до 2020 года.

Следует отметить, что на сегодняшний день среди среднеазиатских стран, Таджикистан является единственной страной, где до сих пор не реализована Национальная программа по переходу на цифровой формат телевизионного вещания. Во всех остальных республиках Средней Азии подобная программа полностью завершена. Казахстан, Кыргызстан, Туркменистан и Узбекистан полностью перешли на цифровой формат вещания телевизионного сигнала. Согласно открытым данным, в Таджикистане цифровым сигналом охвачено всего 70% территории страны.

В реализации программы развития цифрового телевидения, например, в создании благоприятной среды для перехода на цифровое телевизионное вещание, а также информирование населения Таджикистана о необходимости перехода на этот формат, Таджикистану помогают неправительственные организации.

Общественная Организация «Хома», при поддержке USAID и Internews, с июля 2019 года реализует в Таджикистане проект, связанный с переходом республики на цифровой формат вещания. Главной целью проекта является создание благоприятной среды для перехода на цифровое телевизионное вещание, а также информирование населения Таджикистана о необходимости перехода на этот формат. С этой целью был разработан и запущен сайт sifra.tj. 

На этом сайте можно найти различную информацию касающуюся цифрового вещания, включая рекомендации по приобретению аппаратуры для приема цифрового эфирного сигнала, а также пошаговую инструкцию установки ресиверов, поиска каналов и другое. Вся информация доступна на двух языках – государственном таджикском и русском.

Телевизионное вещание на территории Таджикистана началось 3 октября 1959 года. Тогда республиканский телевизионный эфир заполняла единственная телестудия. С приобретением независимости картина изменилась, теперь по официальным данным, в Таджикистане зарегистрированы 34 телекомпании.

Кому верить?

Есть, ли коронавирус в Таджикистане или нет, это пока современной науке неизвестно. 

Официально нас уверяют, что подтвержденных случаев заражения коронавирусом COVID19 в Таджикистане нет. Минздрав и представитель ВОЗ говорят, что тесты, отправленные в зарубежные лаборатории, оказались отрицательными. Правда не уточняется, как они были отправлены за рубеж. Между тем, каждый день в больницы доставляют больных с непонятной пневмонией. А тех, кто умер от этой пневмонии, хоронят так, как будто они умерли не от безобидной пневмонии, а от чумы. Так кому и чему верить?

В то время, когда соседние с нами государства объявляли о первых случаях заражения своих граждан COVID19, в нашей стране не предпринимали никаких превентивных мер, а если и принимали, то безответственно и без соблюдения норм.

Взять, например, карантин. Вспомните, появившиеся в те дни посты наших соотечественников, помещенных в карантин.  В каких условиях они находились! Людей собирали в одном помещении, не изолировав, их друг от друга. Представьте если среди них был один инфицированный, то за время карантина — это число умножилось бы в десятки раз. Хотя в том же Варзобском ущелье много мест, где можно было организовать правильный карантин.

Кроме того, карантин должен быть карантином для всех, без оглядки на социальное положение, должность и родственные связи человека, помещенного под карантин. Однако, в соцсетях было выложено видео, где показывали, как людей забирали из карантина и никто за это не отвечал. Вполне возможно, что именно они стали разносчиками странной пневмонии.

Наши соседи объявляли карантин, а мы проводили масштабные празднования и гулянья. Главное закрыли мечети, где массовое скопление людей проходит в основном по пятницам, но школы не закрывали на карантин даже, когда умер учитель.

И только под нарастающим давлением возмущенной общественности объявили временный карантин - но только для детсадов и школ, а про студентов забыли. Наверное, организм бедного и недоедающего студента на столько силен и крепок, что ему ни одна зараза не страшна. И поэтому студенты обойдутся без карантина.

И в это время нам продолжают говорить, что у нас нет COVID19, что все слухи о коронавирусе это происки врагов нации, а то, что происходит это так – сезонная пневмония. 

Что-то, раньше люди так массово не болели пневмонией, от которой сегодня сотни людей госпитализированы, а число умирающих от неё все растёт. Если это пневмония, то почему не дают по-человечески похоронить людей?

Представитель ВОЗ также продолжает говорить, что COVID19 в Таджикистане не зарегистрирован и между прочим отмечает, что в обязательства Таджикистана перед международным сообществом входит необходимость сообщить ВОЗ о выявлении COVID-19 в течение 24 часов.  Значить, если страна не сообщает о выявлении этого вируса, вы будете твердить, что его нет? Не будете, даже в целях профилактики, рекомендовать закрыть ВУЗ-ы на карантин? Ну, а если у страны нет такой возможности, чтобы выявить этот вирус? Нам-то что делать? Кому верить? 

АТС: Ҳуқуқи муҳоҷиронро муваққатан бо ҳуқуқи шаҳрвандони Русия баробар кунед

Тибқи хабарҳои расонаҳои русӣ, Агентии ташаббусҳои стратегӣ (АТС) ба нахуствазири Федератсия Русия Михаил Мишустин рӯйхати пешниҳодҳо оид ба танзими бозори меҳнат ва шуғлро дар робита бо паҳншавии коронавируси COVID-19 ирсол намудааст. Яке аз пешниҳодҳо - муваққатан баробар кардани ҳуқуқи муҳоҷирон бо ҳуққи шаҳрвандони Русия мебошад. Гуфта мешавад, ки дар сурати қабул гаштани ин пешниҳод, муҳоҷирони меҳнатӣ дар ин кишвар, метавонанд мисли шаҳрвардони Русия аз имтиёзҳо барои бекорон истифода кунанд.

Дар номаи ба нахуствазири Русия ирсолшуда, АТС Португалияро мисол меорад. Ин кишвар алакй бо ин роҳ рафта, дар замони мубориза бо коронавирус ва оқибатҳои иқтисодии он, ҳуқуқи иҷтимоии 580 ҳазор муҳоҷирро ба ҳуқуқи иҷтимоии шаҳрвандони худаш баробар кардааст. Клаудия Велезо, намояндаи Вазорати корҳои дохилии Португалия, дар охири моҳи март гуфт, ҳамаи хориҷиёне, ки аллакай дархости иқомати Португалияро кардаанд, метавонанд бо шаҳрвандони ин кишвар баробар кумаки иҷтимоӣ гиранд.

Вай дар як мусоҳиба бо агентии Reuters иброз дошта, ки ҳар касе аллакай дархости иқомат дар Португалияро кардааст, метавонад ҳаддиақал то 1 июл кӯмаки иҷтимоиро баробари шаҳрвандони ин кишвар дарёфт кунад.

Яъне AТС дар робита бо паҳншавии коронавирус ба ҳукумати Русия пешниҳод мекунад, ки дар муддати расонидани кӯмак ба кормандони ташкилоту корхонаҳо, муҳоҷиронро низ бо шаҳрвандони Федератсияи Русия дар гирифтани кӯмакпулӣ барои бекорӣ (ва як қатор имтиёзоту пардохтҳои дигар) ва чораҳо оид ба дастгирии шуғл баробар кунанд. Дар мактуб, ки нусхаи он ба РБК ирсол гардидааст, категорияҳои мушаххаси муҳоҷирон нишон дода нашудааст.

Албатта дар сурати қабул шудани ин пешниҳод вазъи муҳоҷирони меҳнатӣ, аз ҷумла ҳамватанони мо дар Русия беҳтар мешуд ва ин ҳолат ба сатҳи зиндагии хонаводаи онҳо дар Тоҷикистон таъсири мусбӣ мерасонд, вале дар шароити феълӣ қабул шудани ин пешниҳод аз ҷониби ҳукумати Русия бисёр баъид ба назар мерасад.

Дар ҳоли ҳозир ягона чизе, ки вазъи муҳоҷирони меҳнатиро каме беҳтар мекунад, ин аз ҷониби президенти Федератсияи Русия имзо шудани фармон дар бораи озод кардани муҳочирони меҳнатӣ аз пардохти пули патент мебошад. Дар асоси ин фармон, ки 18 апрел ба имзо расида, замони на танҳо эътибори патент, балки будубош, сабти ном, корти муҳоҷират ва дигар санадҳои шаҳрвандони хориҷӣ ва афроди бидуни шаҳрвандӣ аз 15 март то 15 июн тамдид карда шуд.

Ду гурда дорам - якеро ба ҷиянам эҳдо мекунам ба ҳардуямон кифоят мекунад.

Ронандаи таксӣ омода аст як гурдаашро барои ҷиянаш аз Душанбе эҳдо кунад. Матлаби сомонаи "Новая Сибирь" ки барои тоҷикбачаи бемор кӯмак мехоҳад.

 Пандемияи COVID-19 қисми зиёди ҳамватанони моро, ки дар хориҷ аз Тоҷикистон думболи ризқу рузии худ ва хонаводаашон мегарданд, бо мушкилоти зиёд рӯбарӯ кардааст. Аксари онҳо ба хотири ворид намудани чораҳои маҳдудкунанда ва карантин дар кишвари Руссия, аз кору даромад мондаанд. Дар ин байн даҳҳо ҳамватанони мо, ки барои табобати бемориҳои вазнин ба ин кишвар сафар кардаанд, ҳамчунин бо мушкилот мувоҷеҳ шудаанд. Онҳо на ба ватан баргашта метавонанд ва на тавоноии пардохти пули идомаи табобатро доранд.

Дар якае аз сомонаҳои русӣ “Новая Сибирь” матлаберо хондам, ки муаллифи он бо хитоб ба хонандагонаш дархости кӯмак ба як муҳоҷири тоҷикро кардааст. Дар матлаби нашршуда омадааст, ки як ҳамватани 43 солаи мо Ҳасан Охназаров, ки 20 сол қабл ба Новосибирск кӯчида, шаҳрвандии Руссияро гирифтааст, мехоҳад як гурдаи худро ба Фирӯз ном ҷиянаш диҳад. Фируз гирифтори бемории уретерогидронефрози дутарафаи дараҷаи 4 аст. Ин пасарро волидайн ба хотири анҷом додани ҷарроҳии душвор ба Новосибирск ба назди Ҳасан Охназаров фиристодаанд.

Ҳасан ронандаи таксӣ шуда кор мекунад ва даромади зиёде надорад, ки пули ин ҷарроҳиро пардохт кунад. Дар тули ду сол писарбача дар беморхонаи маҳаллӣ табобат шуда таҳти назорати табибон қарор дорад. Чун Фирӯз шаҳрвандии русиро надорад, ҳамаи табобат пулакӣ аст ва даромади ронандаи такси танҳо барои пардохти нигоҳубини духтурон мерасад. Ҳасан Охназаров кӯшиш кард то ба ин писараки бемор шаҳрвандии русӣ гирад вале фирефтаи қаллобон гашта ҳам аз пули бо меҳнату азоб коркардааш монд ва ҳам шаҳрвандиро барои Фирӯз гирифта натавонист. Вай 700 ҳазор рубл вом (кредит) гирифт, ки ба Фирӯз кӯмак кунад, вале бо паҳн шудани каронавирус дар қаламрави Руссия, даромади Ҳасан коҳиш ёфт ва ӯ дучори мушкилӣ гардид. Гуфта мешавад, ки дармони ин беморӣ танҳо пайванди гӯрда аз эҳдокунанда (донор) мебошад. Ҳасан аз омодагии худ барои ҳадя кардани як гӯрдааш эълом кард, вале боз ҳам бо мушкилот дучор шуд.  Барои анҷом додани ин ҷарроҳи, ки дар чор давра мегузарад ҳудуди 1,5 миллион рубли русӣ зарур аст.

Тавре, ки ин сомона менависад, Ҳасан Охназаров ба президенти кишвар, бунёдҳои кӯмакрасон ва ғайра муроҷиат кардааст, вале касе ба доди ӯ нарасида. Ман медонам, ки дар қаламрави Руссия соҳибкорону ҷавонмардони шарифу боҳиммати тоҷик зиёданд, вале ин шубу руз забонам намегардад ба онҳо барои кӯмак ба ин бандагони худо муроҷиат кунам, зеро онҳо ба ҳазорон ҳамватанони бекормондаи мо доранд ёрӣ мерасонанд. Ба ин хотир ба соҳибкорони муқими Тоҷикистон муроҷиат мекунам, ки ба ин ҳамватанони гирифторамон каме ҳам бошад кӯмак кунанд ва соҳиби савоб шаванд. Мутмаъинам, ки худованди бузург ба онҳо бар ивази як тангаи хайр кардаашон сад танга подош хоҳад дод. Сомонаи русӣ ин рақамро барои тамос бо Ҳасан Охназаров овардааст: 8-903-999-59-07

 Барои дарёфти маълумоти муфассал бо ин линк гузаред https://newsib.net/novosti/taksist-gotov-otdat-pochku-dlya-spaseniya-plemyannika-iz-dushanbe.html?utm_source=yxnews&utm_medium=desktop&utm_referrer=https%3A%2F%2Fyandex.ru%2Fnews